Տուրմանային կերամիկան տուրմալինի, գերմանիումի, էլվանի և հրաբխային ապարների բարդ համաձուլվածք է: Տաքացման ժամանակ այն դառնում է երկարալիք ինֆրակարմիր ճառագայթների, ցածր մագնիսական դաշտերի, միներալների և բացասական լիցքավորված իոնների աղբյուր:
Տուրմալինը կիսաթանկարժեք, բազմերանգ քար է: Տուրմալին նշանակում է «Խառը գույներով քար»: Լեգենդի համաձայն, երբ տուրմալինը թռչում էր Արևից դեպի Երկիր, կլանել է իր մեջ ծիածանի բոլոր գույները: Տուրմալինը մի շարք «հանրահայտ» զարդերի բաղկացուցիչ մաս է: Եկատերինա 2-րդ թագուհու «Խաղողի վազ» զարդը՝ Շվեդիայի արքա Գուստավ 8-րդի նվերը, պատրաստված է վարդագույն տուրմալինից: Տուրմալինն է զարդարում Աննա թագուհու թագը:
Բացի գեղեցիկ քար լինելուց տուրմալինն ունի նաև մի շարք օգտակար հատկություններ: Տուրմալինի բաղադրության մեջ մտնում են՝ կալիում, կալցիում, մանգան, երկաթ, յոդ, ֆտոր և այլն, ընդհանուր առմամբ Մենդելեևի պարբերական աղյուսակի 26 տարր: Տուրմալինն էներգիայի աղբյուր է, տաքանալուն պես այն արձակում է ինֆրակարմիր երկարալիք ճառագայթներ: Այն հանդիսանում է նաև մագնիսական դաշտի և իոնիզացիայի աղբյուր:
- Այս հատկությունների շնորհիվ տուրմալինը նպաստում է ՝
- Նյութափոխանակության կարգավորմանը
- Արյան շրջանառության ակտիվացմանը
- Հյուսվածքների և օրգանների սնուցման լավացմանը
- Իմունիտետի բարձրացմանը
- Նյարդային համակարգի աշխատանքի կարգավորմանը
Գերմանիումը թանկ է ինչպես ոսկին և փխրուն՝ ինչպես ապակին: Գերմանիումը միկրոէլեմենտ է, որը մասնակցում է օրգանիզմում տեղի ունեցող մի շարք գործընթացների: Գերմանիում են պարունակում սխտորը, սոխը, ալոեն, կաթը, բակլազգիները և այլ մթերքներ:
Գերմանիումի հատկություններն են՝
- Նպաստում է հյուսվածքների թթվածնով հագեցմանը: Գերմանիումի այս հատկությունը հայտնաբերել է ճապոնացի գիտնական Կ. Ասաին:
- Խթանում է իմունիտետի բարձրացումը:
- Ունի հակասնկային, հակաբորբոքային ազդեցություն:
- Նպաստում է վերքերի շուտ լավացմանը, ունի ցավազրկող ազդեցություն:
- Կանխում է օրգանիզմում առկա ազատ ռադիկալների կործանարար ազդեցությունը:
Էլվան կելտերենից թարգմանաբար նշանակում է ՝ սպիտակ քար: Կորեացիները կարծում են, որ էլվանն ունի առողջարար հատկություն: Էլվանը դրական է ազդում մաշկի վրա, այն մտնում է մաշկի խնամքի համար նախատեսված մի շարք կրեմների բաղադրության մեջ:
Այս միներալը «փափկեցնում է» ջուրը և մաքրում այն՝ կլանելով ծանր մետաղներն և թունավոր նյութերը:
Էլվանը ժամանակակից կորեական ինտերիերի անբաժանելի մասնիկն է դարձել: Նրանից պատրաստում են մահճակալներ, սաունայի համար նստարաններ, վառարաններ, տան պատերն ու հատակը, անգամ սպասք: Հետաքրքրական է, որ անգամ խորովածի ապարատները պատրաստված են էլվանից:
Հրաբխային ապարների շնորհիվ տուրմանային կերամիկան ստանում է իր ամրությունը: Դեռ հնագույն ժամանակներից մարդկանց հայտնի էին հրաբխային ապարների օգտակար հատկությունները:
Հրաբխային ապարները
- Իրենց մեջ կրում են Երկրի մագնիսական դաշտը
- Հարուստ են միկրոէլեմենտներով
- Երկար ժամանակ պահում են օրգանիկ ջերմությունը: Ինչը հնարավորություն է տալիս տուրմանային կերամիկայի ջերմությունից առավելագույն արդյունք ստանալ:
- Ունեն թունավոր նյութերն օրգանիզմից հեռացնելու և օրգանիզմը մաքրելու հատկություն: